ԿԸՀ. քվեարկության ընթացքի հետևելու է շուրջ 80 հազար դիտորդ

Ադրբեջանում տեղական ինքնակառավարման մարմինների ընտրություններում քվեարկության ընթացքին հետևելու իրավունք ունի մոտ 80 հազար մարդ։

Ինչպես հայտնում է Сaliber.Az-ը, այս մասին հայտարարել է Ադրբեջանի Կենտրոնական ընտրական հանձնաժողովի (ԿԸՀ) նախագահ Մազահիր Փանահովը՝ խոսելով ՏԻՄ ընտրությունների մեկնարկի մասին։

Նրա խոսքով, ընտրությունների նախապատրաստական աշխատանքները կատարվել են ամբողջությամբ:

«Տեղական ինքնակառավարման մարմինների ընտրությունները կազմակերպվել են բոլոր պահանջներին համապատասխան։ Ընդհանուր առմամբ, քվեարկության ընթացքին հետևելու է 71209 մարդ, այդ թվում՝ դիտորդներ, տեղամասային և օկրուգային ընտրական հանձնաժողովների անդամներ, ինչպես նաև փորձագիտական խմբերի անդամներ։ Եթե ավելացնենք լրատվամիջոցների ներկայացուցիչներին, ապա քվեարկության ընթացքին հետևելու իրավունք ունեցողների ընդհանուր թիվը մոտենում է 80 հազարի»։