L'Opinion-ը պատմել է Բաքվում ֆրանսիական լրտեսության բացահայտման նոր մանրամասների մասին

Ադրբեջանում աղմկահարույց «լրտեսական սկանդալը», որը սկսվել է պերսոնա նոն գրատա հայտարարմամբ և երկու ֆրանսիացի դիվանագետների երկրից արտաքսմամբ, նոր մանրամասներ է ձեռք բերում։

Ինչպես հայտնում է Caliber.Az-ը՝ ֆրանսիական L'Opinion հրատարակությանը հղումով, Մարտին Ռայանի չորս ամսով կալանավորումն ու ձերբակալությունը սկզբում ոչ ոք չէր կապում՝ Բաքվում ֆրանսիական լրտեսական ցանցի բացահայտման մասին ադրբեջանական հատուկ ծառայությունների հայտարարության հետ։ Ավելին, Ֆրանսիայի ԱԳՆ-ն ևս այս առումով սպասողական վերաբերմունք է ցուցաբերել։

Սակայն ավելի ուշ պարզվեց, որ դեկտեմբերի 4-ից կալանքի տակ գտնվող Մ.Ռայանը կապ է ունեցել երկրից վտարված այս «դիվանագետների» հետ։

Հոր կողմից, բացի Ֆրանսիայի, բրիտանական քաղաքացիություն ունեցող Մարտինը չորս տարի ապրել է Բաքվում և նույնիսկ կարողացել է նշանվել տեղացի աղջկա հետ, ասվում է հրատարակման մեջ։ Հիմնելով «Մերկորամա» փոքր ընկերություն՝ նա զբաղվում էր արտահանման-ներմուծմամբ, մասնավորապես՝ գինու առևտրով և ինչ որ քաղաքական գործունեությամբ չէր նկատվում։

Այսպիսով, դեսպանատան հետ Մարտինի շփումները վերածվեցին ՝հանրությանը հասանելի տեղեկատվության վերաբերյալ պարզ հարցումներից մինչև տեղեկատվության հավաքման և փոխանցման ավելի հաստատակամ հարցումներ, հատկապես Իրանի և Թուրքիայի վերաբերյալ: Այսինքն՝ խոսքը «ակտիվ, այլ ոչ միայն պասիվ համագործակցության» մասին էր։