Լատվիայի ԱԳՆ ղեկավարը շնորհավորել է Ադրբեջանին և Հայաստանին

Լատվիայի արտաքին գործերի նախարար Բայբա Բրաժեն շնորհավորել է Ադրբեջանին և Հայաստանին խաղաղության համաձայնագրի տեքստի շուրջ համաձայնության գալու կապակցությամբ։

Ինչպես հայտնում է Caliber.Az-ը, նա համապատասխան հրապարակում է տարածել X սոցիալական ցանցում։

«Շնորհավորում ենք մեր լավ բարեկամներ Ադրբեջանին և Հայաստանին խաղաղության պայմանագրի տեքստի շուրջ համաձայնության գալու կապակցությամբ, ինչը կարևոր քայլ է տարածաշրջանում կայուն խաղաղության և կայունության հաստատման ճանապարհին»,- գրել է Բ. Բրաժեն։