Միլլի Մեջլիսը՝ Բաքվի հետ խաղաղ գործընթացում Երևանի անկեղծ չլինելու  մասին

Միլլի Մեջլիսը (ՄՄ) խստորեն դատապարտել է՝ ԵՄ-Հայաստան խորհրդարանական գործընկերության հանձնաժողովի փետրվարի 25-ի հայտարարությունը, այս փաստաթուղթը համարելով որպես՝ Եվրախորհրդարանի և Հայաստանի կողմից Ադրբեջանի դեմ զրպարտչական արշավի ևս մեկ օրինակ:

Ինչպես Report-ին հայտնել են ՄՄ-ից, Ադրբեջանի խորհրդարանում կարծում են, որ այս հայտարարությունը, որն ընդունվել է Հայաստանի կողմից իրականացված Խոջալուի ցեղասպանության հերթական տարելիցին ընդառաջ, բացահայտում է թե՛ Հայաստանի, թե՛ Եվրախորհրդարանի իրական էությունը, որոնք անհեթեթ ու անհիմն մեղադրանքներ են ներկայացնում Ադրբեջանի  դեմ։

Խորհրդարանում նշում են, որ նման հայտարարությունը վկայում է՝ Բաքվի հետ խաղաղ գործընթացում Երևանի անկեղծ չլինելու   մասին։

ՄՄ-ում ընդգծում են, որ նման հայտարարությամբ Եվրախորհրդարանն արտահայտում է իր խորը հակակրանքը Ադրբեջանի նկատմամբ։ «Հայաստանը, որպես ֆաշիստական ​​գաղափարախոսության կողմնակից երկիր, տասնամյակներ շարունակ ագրեսիա է իրականացրել Ադրբեջանի դեմ՝ կատարելով ծանր հանցագործություններ, այդ թվում՝ պատերազմական հանցագործություններ ու  ցեղասպանություններ և հարյուր հազարավոր ադրբեջանցիների ստիպելով դառնալ փախստական​​», - ասված է Ադրբեջանի օրենսդիր մարմնի հայտարարության մեջ։

Բացի այդ, նշվում է, որ չնայած բազմաթիվ միջազգային փաստաթղթերին, այդ թվում՝ ՄԱԿ-ի Անվտանգության խորհրդի չորս բանաձևերին, Եվրամիությունը և Եվրախորհրդարանը երբեք կոչ չեն արել՝ պատժամիջոցներ կիրառել Հայաստանի դեմ և դրանով իսկ իրականում նպաստել են ադրբեջանական տարածքների անօրինական օկուպացմանը։

Միլլի Մեջլիսում կարծում են, որ Եվրախորհրդարանը չի արտահայտել իր դիրքորոշումը՝ Հայաստանի կողմից Ադրբեջանի օկուպացված տարածքներում տեղադրած բազմաթիվ ականների և դրանց բացասական ազդեցության վերաբերյալ՝ երկրի վերականգնման ու վերակառուցման տեմպերի վրա։

Հայտարարության մեջ նաև ափսոսանք է հայտնվում, որ Եվրախորհրդարանը անտարբերություն է ցուցաբերում՝ 4000 անհետ կորած ադրբեջանցիների ճակատագրի նկատմամբ։