Էմինովը պատմել է, թե ինչպես են հայերը Շուշայի բանտում տանջել նրան Դատավարություն Բաքվի դատարանում

Բաքվի ռազմական դատարանում այսօրվա դատավարության ժամանակ ցուցմունք են տվել՝ Հայաստանի զինված ուժերի կողմից ադրբեջանական տարածքների օկուպացիայի արդյունքում տուժողները։

Ինչպես հաղորդում է AZERTAC-ը,  տուժող Վուգար Էմինովը հայտնել է, որ 1994 թվականի ապրիլի 25-ին նրան գերի են վերցրել Աղդամի շրջանի Գյուլլուջա գյուղում։ Վուգար Էմինովը պատմել է, որ գերության ընթացքում  նա պահվել է Շուշայի բանտում և Խանքենդիի հատուկ ռեժիմի  մեկուսարանում։ Տուժողի խոսքով, նա և գերի ու պատանդ վերցված մյուս ադրբեջանցիները խոշտանգումների են ենթարկվել, նրանց ծեծել են  ամրաններով և այլ ծանր առարկաներով, տանջել են էլեկտրական հոսանքով։
 
Վուգար Էմինովը պատմել է, որ նա՝ մյուս գերիների և պատանդների հետ միասին, ուղարկվել է Խոջավենդի շրջանի Աղբուլագ գյուղ աշխատելու, և 1995 թվականի հոկտեմբերի 9-ին նրան և երկու այլ ադրբեջանցիների՝ Գադիրին և Բայրամին, հաջողվել է փախչել։ Հոկտեմբերի 22-ին, մտնելով ադրբեջանական զինվորականների կողմից վերահսկվող տարածք, նա փրկվել է։
 
Մեկ այլ տուժող, Իմրան Գուլիևը, հայտնել է, որ 1992 թվականի փետրվարի 25-ի լույս 26-ի գիշերը հայերը սկսել են Խոջալուի հրետակոծությունը՝ օգտագործելով ծանր զրահատեխնիկա և զենք։ Ցեղասպանության ժամանակ նրա եղբայր Զաքիրը և քույր Զոհրան սպանվել են։ Գուլիևի խոսքով՝ թշնամին նույնիսկ թույլ չի տվել նրան վերցնել իր զոհված քրոջ մարմինը։ Նրան հաջողվել է դա անել միայն երեք օր անց։ Եղբոր մարմինը  մինչ այյժմ չի հայտնաբերվել։ Իմրան Գուլիևը նույնպես վիրավորվել է այդ իրադարձությունների ժամանակ։