Սոցիալական հարցում. Ադրբեջանի քաղաքացիները աջակցում են Ի.Ալիևի արտաքին քաղաքականությանը և նախաձեռնություններին

Սոցիալական հետազոտությունների կենտրոնը վերլուծել է հասարակական կարծիքը՝ Ադրբեջանի նախագահ Իլհամ Ալիևի գործունեության վերաբերյալ։
 
Ինչպես Caliber.Az-ին հայտնել են գերատեսչությունից, երկրի քաղաքացիների շրջանում հարցում է անցկացվել, որը ներառել է՝ պետության ղեկավարի 2025 թվականի առաջին վեց ամիսների ընթացքում կատարած աշխատանքի ծավալուն տարեգրության մի շարք ոլորտներ: Հարցման արդյունքները ցույց են տվել, որ երկրի քաղաքացիները բարձր են գնահատում նախագահի գործունեությունը: Հանրային աջակցությունը հատկապես ուժեղ էր՝ «Մեծ վերադարձ» ծրագրի շրջանակներում ձեռնարկված քայլերի և ազատագրված տարածքներում վերակառուցման ու շինարարական աշխատանքների,  բանակաշինության, արտաքին քաղաքականության և ազգային անվտանգության ոլորտներում։
 
Հարցման արդյունքների համաձայն՝ հարցվածների 67.8%-ը նախագահի գործունեությունը արտաքին քաղաքականության ոլորտում գնահատել է որպես «շատ լավ», 24.4%-ը՝ «ընդհանուր առմամբ լավ», 1%-ը՝ «ընդհանուր առմամբ վատ», 0.6%-ը՝ «շատ վատ», հարցվածների 6.2%-ը դժվարացել է պատասխանել։

Հասարակական կարծիքի վերլուծության արդյունքները ցույց են տվել Ադրբեջանի արտաքին քաղաքականության բարձր աջակցությունը, մասնավորապես՝ տարածաշրջանային համագործակցության, աշխարհաքաղաքական հավասարակշռության և միջազգային կազմակերպությունների հետ համագործակցության ոլորտներում։