Փարիզում հարգանքի տուրք են մատուցել՝ ղարաբաղյան պատերազմներին մասնակցած ադրբեջանցի լրագրողների հիշատակին

Ֆրանսիայի մայրաքաղաք Փարիզում հարգանքի տուրք են մատուցել՝ ղարաբաղյան առաջին և երկրորդ պատերազմներում զոհված ադրբեջանցի լրագրողների հիշատակին։
 
Report-ի փոխանցմամբ՝ Ֆրանսիայի մայրաքաղաքում Ադրբեջանի մշակութային կենտրոնում կազմակերպվել է լուսանկարչական ցուցահանդես՝ նվիրված Ադրբեջանի դեմ Հայաստանի ռազմական ագրեսիայի  արդյունում զոհված լրագրողների հիշատակին։
 
Միջոցառումը իրականացվել է Ֆրանսիայում Ադրբեջանի դեսպանատան աջակցությամբ։
 
Դիվանագիտական առաքելության խորհրդական Նիգար Հուսեյնովան պատմել է՝ 1980-ականների վերջից ի վեր Հայաստանի կողմից Ադրբեջանի դեմ սկսված չհայտարարված պատերազմի տարածքային պահանջների և փուլերի մասին։
 
Դիվանագետը հատկապես նշել է մամուլի ներկայացուցիչների պայքարը, ովքեր իրենց կյանքի գնով լուսաբանել են ճշմարտությունը՝ հակամարտության դառը իրականության ֆոնին։ Նա հարգանքի տուրք է մատուցել՝ 1991 թվականին նահատակված առաջին լրագրող Սալաթըն Ասկերովայի, ինչպես նաև նույն թվականին Ղարաբաղում ուղղաթիռի վթարի հետևանքով զոհված հայտնի լրագրողներ Օսման Միրզաևի, Ալի Մուստաֆաևի և Ֆախրեդդին Շահբազովի հիշատակը։ Նա նաև  պատմել է Չինգիզ Մուստաֆաևի պատմական արժանիքների մասին, որը զոհել է 1992 թվականին Աղդամում նկարահանումների ժամանակ և աշխարհին է հասցրել Խոջալուի ցեղասպանության սարսափները։