MOL-ը պատրաստվում է գազի արդյունահանումը սկսել Ադրբեջանի խոշորագույն հանքավայրերից մեկից Սիյարտո

Հունգարական MOL նավթագազային ընկերությունը գտնվում է համաձայնագրի շուրջ բանակցությունների վերջին փուլում, որը թույլ կտա նրան ստանալ Ադրբեջանի խոշորագույն ածխաջրածնային հանքավայրերից մեկի օպերատորի կարգավիճակ։
 
Ինչպես հաղորդում է Report-ը, այս մասին ուրբաթ օրը Բուդապեշտում հունգարա-ադրբեջանական համատեղ տնտեսական հանձնաժողովի նիստից հետո հայտարարել է՝ Հունգարիայի արտաքին գործերի և առևտրի նախարար Պետեր Սիյարտոն։
 
«MOL-ը գտնվում է  հերթական համաձայնագրի ստորագրման շեմին, որը թույլ կտա նրան դառնալ ոչ միայն համասեփականատեր, այլև մեկ այլ խոշոր ադրբեջանական հանքավայրի օպերատոր։ Պայմանավորվածություն է ձեռք բերվել, որ հում նավթի արդյունահանումից բացի, MOL-ը հաջորդ տարի կսկսի նաև բնական գազի արդյունահանումը՝ աշխարհի խոշորագույն ածխաջրածնային հանքավայրերից մեկի մշակմանը մասնակցության շրջանակներում», - ասել է Սիյարտոն։