«Անսահման եղբայրություն-IV». Բաքվում բազմազգ զորավարժությունների պլանավորման համաժողով է անցկացվել

Հունիսի 10-ին Բաքվում տեղի է ունեցել՝ «Անսահման եղբայրություն-IV» բազմազգ զորավարժությունների պլանավորման համաժողով, որոնք տեղի կունենան այս տարվա սեպտեմբերին Ադրբեջանում՝ Ադրբեջանի, Թուրքիայի, Ուզբեկստանի, Ղազախստանի և Պակիստանի հատուկ նշանակության ուժերի մասնակցությամբ։
 
Այս մասին Caliber.Az-ին հայտնել են Ադրբեջանի Պաշտպանության նախարարությունից։
 
Համաժողովի շրջանակներում մասնակից երկրների հատուկ նշանակության ուժերի ներկայացուցիչները քննարկել են՝ զորավարժությունների ընթացքը, կազմակերպչական հարցեր, պատասխանել են հետաքրքրություն ներկայացնող  հարցերին։ Հանդիպման ընթացքում քննարկվել են՝ հատուկ նշանակության ուժերի համատեղ օպերատիվ պատրաստության և դրանց միջև փոխգործակցության կազմակերպման հարցերը։
 
Անցկացվել է զորավարժությունների գործնական փուլի մանրամասն պլանավորում և քննարկվել են տարբեր սցենարների դեպքում կատարվելիք առաջադրանքները։ Համաժողովում անդրադարձ է եղել նաև ռազմական համագործակցության և փորձի փոխանակման կարևոր ասպեկտներին։
 
«Անսահման եղբայրություն-IV» բազմազգ զորավարժությունները նպատակ ունեն՝ բարձրացնել մասնակից երկրների համատեղ օպերատիվ կարողությունները և նպաստել տարածաշրջանային անվտանգության ամրապնդմանը։