«Կարող են անջատել մեր գազը իրենց տներում և սառչել» Զահիդ Օրուջը՝ Բաքվի դեմ ԵՄ պատժամիջոցների կիրառման կոչ անողներին

Շատ պետություններ կեղծավորություն են անում, երբ խոսքը վերաբերում է Բաքվում կայանալիք COP29 համաժողովին և Ղարաբաղին:
 
Այս մասին այսօր խորհրդարանի լիագումար նիստում ասել է՝ Միլլի Մեջլիսի մարդու իրավունքների  կոմիտեի նախագահ Զահիդ Օրուջը։
 
Նրա խոսքով, 34 տարի շարունակ անդրազգային արևմտյան ընկերություններն հարյուրավոր միլիոն տոննա նավթ ու գազ են  ստանում Ադրբեջանից և տեղափոխում եվրոպական շուկաներ։
 
«Նրանք, ովքեր Եվրամիությանը կոչ են անում պատժամիջոցներ կիրառել Ադրբեջանի դեմ, կարող են անջատել մեր գազն իրենց տներում և սառչել։ Սակայն նրանք ուժ չունեն կասեցնելու էներգետիկ մենաշնորհատերեր՝ BP-ի, Chevron-ի, ExxonMobil-ի և TotalEnergies-ի գործունեությունը»,- ասել է նա։