12-ամյա ադրբեջանցին մեդալ է նվաճել ՄԱԿ-ի խաղերում

ՄԱԿ-ի 2025 թվականի խաղերի փակման արարողության ժամանակ՝ կազմկոմիտեի մեդալով պարգևատրվել է Ադրբեջանից 12-ամյա Քյամալ Մամեդալիևը։
 
Ինչպես տեղեկացնում է Report-ը, Նյու Յորքում  համաշխարհային կազմակերպության կենտրոնակայանում փակման արարողությունը կազմակերպել է՝ ՄԱԿ-ում Թուրքմենստանի մշտական ​​​​ներկայացուցչությունը։
 
Միջոցառմանը մասնակցել է նաև ՄԱԿ-ում Ադրբեջանի մշտական ​​ներկայացուցիչ Թոֆիգ Մուսաևը։
 
Մրցաշարի փակման արարողության ժամանակ, որին մասնակցել են 110 երկրներից ավելի քան 800 մասնակիցներ, հաղթողներին հանձնվել են գավաթներ, մեդալներ և հատուկ մրցանակներ։
 
Միջոցառմանը ելույթ ունեցող ՄԱԿ-ի պաշտոնատար անձինք  և հայտնի սպորտային գործիչները, այդ թվում՝ Իտալիայի ֆուտբոլի հավաքականի նախկին ավագ և 2020 թվականի Եվրոպայի չեմպիոն Ջորջիո Կիելինին և սեղանի թենիսի օլիմպիական չեմպիոն Լյու Գուո Լիանգը, ընդգծել են՝ սպորտի կարևորությունը որպես բարեկամության, երկխոսության և համագործակցության միջոց։
 
Քյամալ Մամեդալիևը դարձել է 2025 թվականի ՄԱԿ-ի խաղերի հաղթող՝ ելույթ ունենալով Կենտրոնական Ասիայի և այլ երկրների երեխաների թիմի կազմում։ Նա  պատմել է՝ Խաղերի կողմից իրեն տրված հնարավորությունների մասին, ինչպես նաև նշել է, որ սպորտը ոչ միայն մրցույթ է, այլև համընդհանուր մարդկային արժեքների և միասնության տոնակատարություն։