Ամերիկյան ինքնաթիռը արտակարգ վայրէջք է կատարել Բաքվում

Նյու Դելիից Նյու Յորք թռչող American Airlines ավիաընկերության օդանավի հրամանատարը Հեյդար Ալիևի անվան միջազգային օդանավակայան արտակարգ վայրէջք է խնդրել՝ ուղևորներից մեկի առողջական վիճակի կտրուկ վատթարացման պատճառով։

Ինչպես Caliber.Az-ին հայտնել են օդանավակայանի մամուլի ծառայությունից, Boeing 787-9 Dreamliner ինքնաթիռը անվտանգ վայրէջք է կատարել Բաքվի օդանավակայանում տեղական ժամանակով ժամը 02:30-ին:

Ուղևորին անմիջապես տեղում բժշկական օգնություն է ցուցաբերվել։

Բոլոր անհրաժեշտ ընթացակարգերը կատարելուց հետո ինքնաթիռը ժամը 10:31-ին Բաքվից թռել է դեպի Լոնդոն։