Ադրբեջանի ԱԳՆ-ը ցավակցություն է հայտնել Իրանին՝ նավահանգստում տեղի ունեցած պայթյունի կապակցությամբ

Ադրբեջանի արտաքին գործերի նախարարությունը ցավակցություն է հայտնել Իրանին՝ Բենդեր Աբբաս քաղաքի Շահիդ Ռաջայի նավահանգստում տեղի ունեցած պայթյունի կապակցությամբ:

 
Ինչպես հաղորդում է Caliber.Az-ը, համապատասխան հրապարակումը տեղադրվել է X սոցիալական ցանցում ԱԳՆ-ի էջում:
 
«Մենք խորապես մտահոգված ենք՝ Իրանի Իսլամական Հանրապետության Բենդեր Աբբաս քաղաքի Շահիդ Ռաջայի նավահանգստում տեղի ունեցած ավերիչ պայթյունով։
 
Խորին ցավակցությունն ենք հայտնում զոհվածների ընտանիքներին և մերձավորներին, ինչպես նաև Իրանի ժողովրդին և կառավարությանը։ Տուժածներին մաղթում ենք արագ ապաքինում», - ասվում է ցավակցական ուղերձում։