Ադրբեջանի օմբուդսմենը՝ Միջազգային դատարանի որոշման մասին

Մարդու իրավունքների հանձնակատար (օմբուդսմեն) Սաբինա Ալիևան մեկնաբանել է Միջազգային դատարանի որոշումը՝ քննարկելու Ադրբեջանի միջազգային իրավական հայցերն ընդդեմ Հայաստանի, այդ թվում՝ Հայաստանից բխող ականային սպառնալիքի հետ կապված դեպքերը։
 
Ինչպես հայտնում է Сaliber.Az-ը, օմբուդսմենն ընդգծել է, որ Հայաստանի կողմից Ադրբեջանի դեմ երկար տարիներ անցկացվող օկուպացիոն քաղաքականության և էթնիկ զտումների արդյունքում խախտվել են ավելի քան մեկ միլիոն ադրբեջանցիների հիմնարար իրավունքներն ու ազատությունները՝ ամրագրված միջազգային իրավական փաստաթղթերում, ինչպես նաև ոտնահարվել են միջազգային իրավունքի և միջազգային մարդասիրական իրավունքի նորմերն ու սկզբունքները, կատարվել են ռազմական հանցագործություններ։ Նա նշել է, որ արդարության ապահովման համար չափազանց կարևոր են միջազգային մակարդակով ձեռնարկվող իրավական քայլերը՝ ադրբեջանցիների իրավունքների և ազատությունների վերականգնման համար, որոնք սիստեմատիկորեն խախտվել են տասնամյակներ շարունակ։
 
Մարդու իրավունքների հանձնակատարը դրական է գնահատել Միջազգային դատարանի որոշումը՝ ըստ էության քննելու Ադրբեջանի իրավական հայցն ընդդեմ Հայաստանի՝ ներառյալ ականային սպառնալիքի հետ կապված փաստերը՝ չնայած հայկական կողմի առարկություններին։ Նա նշել է, որ դատարանի կողմից Հայաստանի փորձերի մերժումը դատարանի իրավասությունից բացառելու Ադրբեջանի արդարացված հայցերը՝ կապված օկուպացիայի ժամանակ և դրանից հետո նրա տարածքներում ականների և թակարդ-ականների տեղադրման հետ, կարևոր քայլ է արդարությունը վերականգնելու համար։