Ադրբեջանն ու Իտալիան ամրապնդում են պաշտպանական համագործակցությունը Գեներալների հանդիպում Բաքվում

Մայիսի 20-ին, Ադրբեջանի պաշտպանության նախարարի առաջին տեղակալ, Գլխավոր շտաբի պետ, գեներալ-գնդապետ Քերիմ Վելիևն ընդունել է՝ Բաքվում գտնվող Իտալիայի Ազգային պաշտպանության համալսարանի Բարձրագույն հետազոտությունների կենտրոնի տնօրեն, գեներալ-գնդապետ Ստեֆանե Մանինեին:
 
Ինչպես հաղորդում է Caliber.Az-ը՝ հղում անելով Ադրբեջանի Պաշտպանության նախարարության մամուլի ծառայությանը, հանդիպումից առաջ իտալական պատվիրակությունը այցելել է Շեհիդների ծառուղի, որտեղ հարգանքի տուրք է մատուցել՝ Ադրբեջանի անկախության և տարածքային ամբողջականության համար իրենց կյանքը զոհաբերած հերոսների հիշատակին՝ ծաղիկներ է դրել նրանց գերեզմաններին։
 
Գլխավոր շտաբում բանակցությունների ժամանակ գեներալ-գնդապետ Քերիմ Վելիևը ողջունել է իր իտալացի գործընկերոջը՝ գոհունակություն հայտնելով նրա Բաքու կատարած այցի կապակցությամբ։ Նա ընդգծել է, որ Ադրբեջանի և Իտալիայի միջև ռազմական կրթության ոլորտում փորձի փոխանակումը նպաստում է՝ զինվորական  կադրերի մասնագիտական ​​ներուժի ամրապնդմանը։
 
Իր հերթին, Ստեֆանե Մանինեն շնորհակալություն է հայտնել ջերմ ընդունելության և հյուրընկալության համար՝ նշելով ռազմական դասընթացների կազմակերպման, որակավորման բարձրացման և մասնագետների պատրաստման ծրագրերի վերաբերյալ համատեղ նախաձեռնությունների կարևորությունը։
 
Կողմերը ընդգծել են երկկողմ այցերի կարևորությունը՝ պաշտպանության ոլորտում ադրբեջանա-իտալական համագործակցության խորացման համար և մտքեր են փոխանակել մի շարք այլ հրատապ հարցերի շուրջ։