Ադրբեջանում exit-poll-ը կընդգրկի 2500 ընտրատեղամաս. ո՞վ է անցկացնում հարցումները

 Ադրբեջանի Միլլի Մեջլիսի (խորհրդարան) արտահերթ ընտրությունների ժամանակ exit-poll կանցկացվի  շուրջ 2500 ընտրատեղամասերում։ 

Ինչպես հաղորդում է Report-ը, այս մասին կիրակի օրը կայացած մամուլի ասուլիսում ասել է՝ Կենտրոնական ընտրական հանձնաժողովի (ԿԸՀ) նախագահ Մազահիր Փանահովը։ 

Նա նշել է, որ երեք միջազգային կազմակերպություններ գրանցվել են Կենտրոնական ընտրական հանձնաժողովում՝ exit-poll անցկացնելու համար, դրանք են՝ Սոցիոլոգիական հետազոտությունների կենտրոնը, Քաղաքացիների աշխատանքային իրավունքների պաշտպանության լիգան՝ ամերիկյան ORACLE ADVISORY GROUP քարոզարշավի հետ միասին, Սոցիալական  հետազոտությունների «Պրոգրես» հասարակական միավորումը՝ ​​SWG S.P.A (Իտալիա) հետազոտական ​​ընկերության հետ համատեղ: