Ադրբեջանում Իրանի նորանշանակ դեսպան. Ես շատ լավատեսորեն եմ տրամադրված

Ադրբեջանում Իրանի նորանշանակ դեսպան Մուջթաբա Դեմիրջիլուն պատմել է իր առջև դրված խնդիրների մասին։
 
Ինչպես հաղորդում է Report-ը, դիվանագետն այս մասին հայտարարել է AzTV-ին տված հարցազրույցում։
 
Նա նշել է, որ լավատեսորեն է տրամադրված երկկողմ հարաբերությունների ապագայի նկատմամբ. «Երբ նոր դեսպան է նշանակվում, նրան հանձնարարվում է խորացնել երկու երկրների միջև կապերը։ Դրան հասնելու համար մենք պետք է սկսենք իրականացնել նոր նախագծեր՝ առկա նախագծերից բացի։ Իմ խնդիրն է իմ բոլոր ջանքերն ու գիտելիքները կիրառել տարբեր ուղղություններով՝ այս նպատակին հասնելու համար։ Ես շատ լավատեսորեն եմ տրամադրված։ Հուսով եմ, որ մենք կտեսնենք երկու երկրների և ժողովուրդների միջև անընդհատ աճող մերձեցում»։