Ալեքսանդր Վուչիչը պարգևատրել է Բայրամովին

Սերբիայի նախագահ Ալեքսանդր Վուչիչը՝ Ադրբեջանի արտգործնախարար Ջեյհուն Բայրամովին պարգեւատրել է Սերբիայի դրոշի առաջին աստիճանի շքանշանով։
 
Ինչպես հաղորդում է Report-ը՝ հղում անելով սերբական ԶԼՄ-ներին, նախարարը պարգևատրվել է՝ երկու երկրների միջև համագործակցության և բարեկամական հարաբերությունների զարգացման գործում ունեցած առանձնահատուկ վաստակի համար։
 
Պարգևատրման արարողության ժամանակ Ջ.Բայրամովն ընդգծել է, որ Բաքվին և Բելգրադին կապում են ռազմավարական գործընկերությունը և բարեկամական կապերը։ Նա նաև նշել է, որ այս պարգևը հանդիսանում է՝ Սերբիայի  ղեկավարության կողմից Ադրբեջանին տված նշանակության  վառ օրինակը:
 
Ելույթ ունենալով միջոցառմանը՝ Ջեյհուն Բայրամովը վստահություն է հայտնել, որ Ադրբեջանի և Սերբիայի միջև ռազմավարական գործընկերությունը՝ երկու երկրների նախագահների ղեկավարությամբ էլ ավելի կընդլայնվի։
 
Նշվել է բարձր մակարդակներով շփումների կարևորությունը՝ երկկողմ ռազմավարական գործընկերության, հաստատված բարեկամական հարաբերությունների, ինչպես նաև բոլոր հարթակներում ցուցաբերվող անվերապահ աջակցության զարգացման գործում։