AnewZ հեռուստաալիքը ֆիլմ է նկարահանել Վարդանյանի հանցավոր գործունեության մասին

AnewZ հեռուստաալիքը հայտարարել է՝ «Օլիգարխի մտահղացումը. իշխանության, քաղաքականության և ազդեցության հետապնդում» հետաքննական վավերագրական ֆիլմի առաջիկա թողարկման մասին, որը վերլուծում է, թե ինչպես կարող են՝ ֆինանսական հզորությունը, քաղաքական ազդեցությունը և միտումնավոր մշակված նարատիվները ազդել հակամարտությունների և հանրային ընկալման վրա։
 
Caliber.Az-ի  փոխանցմամբ, ֆիլմը կենտրոնանում է Ռուբեն Վարդանյանի և նրա՝ Մոսկվայի ֆինանսական էլիտայի անդամից մինչև Ղարաբաղում անջատողական գործընթացներին ներգրավվածության ճանապարհի վրա։ Հեղինակները հիմնվում են՝ միջազգային հետաքննչական լրագրության, բաց աղբյուրներից հետախուզության տվյալների, ինչպես նաև նախկին հրապարակումների  վրա, որոնց շրջանակներում բացահայտվել  է այսպես կոչված «Տրոյկա լվացքատունը»՝ Ռուսաստանի կորպորատիվ և քաղաքական շահերի հետ կապված խոշորածավալ օֆշորային համակարգը։
 
Ֆիլմում մանրամասն նկարագրվում է՝ Վարդանյանի 2022 թվականին Ռուսաստանի քաղաքացիությունից հրաժարվելը և նրա հետագա գործունեությունը անջատողական «վարչակազմի» կառույցներում։ Այս իրադարձությունները վերլուծվում են ավելի լայն աշխարհաքաղաքական և ֆինանսական համատեքստում՝ ցույց տալով, թե ինչպես կարող են առանձին գործող անձինք ազդել տարածաշրջանային կայունության վրա՝ հանրային ոլորտից դուրս։
 
Ստեղծողները ընդգծում են, որ ֆիլմը հիմնված է բացառապես ստուգված աղբյուրների և հետաքննչական եզրակացությունների վրա և չի մտադրվում արժեքային դատողություններ կազմել։ Ֆիլմի նպատակն է՝ փաստաթղթավորել որոշումների կայացման մեխանիզմները՝ նպաստելով թափանցիկության, հաշվետվողականության բարձրացմանը և ընթացող գործընթացների վերաբերյալ հանրության ավելի խորը ըմբռնմանը։