Բաքուն և Բրատիսլավան քննարկել են ռազմական համագործակցության հարցեր

Մեկնարկել է Ադրբեջանի Զինված ուժերի Գլխավոր շտաբի պետ, գեներալ-գնդապետ Քերիմ Վելիևի պաշտոնական այցը Սլովակիայի Հանրապետություն, որը իրականացվում է այդ երկրի Զինված ուժերի Գլխավոր շտաբի պետ, գեներալ-լեյտենանտ Դանիել Զմեկոյի հրավերով:
 
Այս մասին Caliber.Az-ին հայտնել են Ադրբեջանի Պաշտպանության նախարարությունից։
 
Այցի առաջին օրը տեղի է ունեցել՝ ադրբեջանական պատվիրակության պաշտոնական դիմավորման արարողությունը։
 
Ադրբեջանական բանակի Գլխավոր շտաբի պետ, գեներալ-գնդապետ Ք. Վելիևի և նրա սլովակ գործընկեր, դեներալ-լեյտենանտ Դ. Զմեկոյի հանդիպման ժամանակ քննարկվել են՝ երկկողմ ռազմական համագործակցության զարգացման հեռանկարները, տեղի է ունեցել մտքերի մանրամասն փոխանակում փոխադարձ հետաքրքրություն ներկայացնող մի շարք հարցերի շուրջ:
 
Այնուհետև գեներալ-գնդապետ Ք. Վելիևը հանդիպել է  Սլովակիայի պաշտպանության փոխնախարար Մարտին Վոյտաշովիչի հետ։