Բաքուն և Բուխարեստը՝ ադրբեջանա-հայկական խաղաղ գործընթացի հեռանկարների մասին

Մյունխենի անվտանգության համաժողովի շրջանակներում Ադրբեջանի արտգործնախարար Ջեյհուն Բայրամովը հանդիպել է՝ իր ռումինացի գործընկեր Էմիլ Խուրեզյանուի հետ։
 
Այս մասին Caliber.Az-ին հայտնել են Ադրբեջանի ԱԳՆ-ից:
 
Հանդիպմանը քննարկվել են՝ Ադրբեջանի և Ռումինիայի միջև ռազմավարական գործընկերության, ինչպես նաև տարածաշրջանային և միջազգային օրակարգի հարցեր:
 
Ջ.Բայրամովն անկեղծ շնորհավորանքներ է փոխանցել Էմիլ Խուրեզյանուին՝ արտաքին գործերի նախարարության ղեկավարի պաշտոնում նշանակվելու կապակցությամբ, և հաջողություններ է մաղթել նրան աշխատանքում։
 
Նշվել է բարձր մակարդակներով փոխայցելությունների, ինչպես նաև քաղաքական երկխոսության կարևորությունը՝ երկկողմ ռազմավարական գործընկերության հասնելու համար։ Կողմերը քննարկել են նաև Ադրբեջանի և Ռումինիայի միջև համագործակցության հետագա ընդլայնման հնարավորությունները՝ տնտեսական, էներգետիկ, առևտրային, հումանիտար, կրթական, գյուղատնտեսության, զբոսաշրջության և այլնի ոլորտներում։
 
Նախարարները  հատուկ ընդգծել են կանաչ էներգետիկայի ոլորտում գործընկերության կարևորությունը։ Նշվել է, որ փոխգործակցության զարգացումը այնպիսի ոլորտներում, ինչպիսիք են տրանսպորտը և լոգիստիկան, մասնավորապես՝ Միջին միջանցքի երկայնքով, կարող է լրացուցիչ ավանդ ներդնել երկու երկրների համագործակցության մեջ։
 
Հանդիպման շրջանակներում քննարկվել են՝ մեր տարածաշրջանում հետհակամարտային շրջանում առկա իրավիճակն ու իրողությունները, Ադրբեջանի և Հայաստանի միջև խաղաղ գործընթացի հեռանկարները, ինչպես նաև փոխադարձ հետաքրքրություն ներկայացնող այլ հարցեր։