Դրագան Վլադիսլավլևիչ. Կեցցե Ադրբեջանի և Սերբիայի միջև հավերժական բարեկամությունը

Իր գոյության 28 տարիների ընթացքում Ադրբեջանի և Սերբիայի միջև դիվանագիտական ​​հարաբերությունները վերածվել են ռազմավարական գործընկերության։
 
Ինչպես հայտնում է Report-ը, այս մասին Սերբիայի Պետականության օրվա առթիվ կազմակերպված միջոցառման ժամանակ ասել է՝ Ադրբեջանում Սերբիայի դեսպան Դրագան Վլադիսլավլևիչը։
 
«28 տարի առաջ իր հիմնադրումից ի վեր՝ մեր երկկողմ հարաբերությունները վերածվել են ռազմավարական գործընկերության, որի շրջանակներում մենք ակտիվորեն քննարկում և իրականացնում ենք փոխադարձ հետաքրքրություն ներկայացնող արտաքին քաղաքական խնդիրները»,- ասել է նա։
 
Դեսպանը նշել է, որ վերջին տարիներին Բաքվի և Բելգրադի միջև նկատվում է քաղաքական հարաբերությունների ակտիվացում, որն ուղեկցվում է տնտեսական կապերի ամրապնդմամբ և ապրանքաշրջանառության աճով։
 
«Ընդհանուր առմամբ, ես հավատում եմ, որ մենք կնշենք Սերբիայի պետականության յուրաքանչյուր հաջորդ տարին ուրախությամբ և Ադրբեջանի հետ ավելի ինտենսիվ, բովանդակալից համագործակցությամբ ու բարեկամությամբ», - ընդգծել է դեսպանը։