Իլհամ Ալիևը Դավոսում հանդիպել է Իսրայելի նախագահի հետ

Հունվարի 21-ին Ադրբեջանի նախագահ Իլհամ Ալիևը, հակառակ կողմի խնդրանքով, Դավոսում հանդիպել է Իսրայելի նախագահ Իսահակ Հերցոգի հետ։
 
Ինչպես հայտնում է Caliber.Az-ը, այս մասին տեղեկություն է հրապարակվել ԱՀ ղեկավարի պաշտոնական կայքում։
 
Հանդիպմանը նշվել է՝ Ադրբեջանի և Իսրայելի միջև երկկողմ հարաբերությունների հաջող զարգացումը։ Իսահակ Հերցոգը գոհունակությամբ է հիշել Ադրբեջան կատարած իր պաշտոնական այցը:
 
Զրույցի ընթացքում ընդգծվել է՝ առեւտրատնտեսական ոլորտում համագործակցության լավ մակարդակը, բարձր է գնահատվել միջկառավարական համատեղ հանձնաժողովի աշխատանքը։ Պետությունների ղեկավարները նշել են, որ Ադրբեջանի և Իսրայելի ժողովուրդներին կապում են պատմական բարեկամական հարաբերությունները։
 
Գոհունակությամբ նշվել է, որ Ադրբեջանում ստեղծված են բոլոր պայմանները՝ բազմաթիվ համայնքների, այդ թվում՝ հրեական համայնքի ներկայացուցիչների համար խաղաղ ու հանգիստ կյանքի համար։