ՄԱԿ-ի կենտրոնակայանում՝ Ադրբեջանում ականային խնդրի հետ կապված ճեպազրույց է անցկացվել

Նյու Յորքում՝ ՄԱԿ-ի կենտրոնակայանում ապրիլի 4-ին նշվող՝ Ականային վտանգի իրազեկման և ականազերծման գործունեության աջակցության միջազգային օրվա շրջանակներում  Ադրբեջանի ականային խնդրին  նվիրված ճեպազրույց է անցկացվել:
 
Ինչպես հայտնուն է Report-ը, միջոցառումը կազմակերպվել էր՝ ՄԱԿ-ում Ադրբեջանի մշտական ​​ներկայացուցչության և Միջազգային հարաբերությունների վերլուծության կենտրոնի (ՄՀՎԿ) կողմից և նվիրված էր՝ Ադրբեջանում մարդասիրական ականազերծման գործողությունների  շնորհիվ մարդկանց կյանքեր փրկելուն։
 
Ճեպազրույցին մասնակցել են՝ Ադրբեջանի արտաքին գործերի նախարարության ռազմաքաղաքական հարցերի վարչության պետի տեղակալ Անար Մութալլիմովը, ՄՀՎԿ-ի խորհրդի նախագահ Ֆարիդ Շաֆիևը, ՄԱԿ-ում Ադրբեջանի մշտական ​​ներկայացուցիչ Թոֆիգ Մուսաևը, ՄԱԿ-ի տարբեր մասնագիտացված գործակալությունների ներկայացուցիչներ, ՄԱԿ-ի Ականազերծման հարցերի ծառայության (UNMAS) փոխտնօրեն Ռիտա Գունարյատի Լուբիսը, ՄԱԶԾ ճգնաժամային բյուրոյի ղեկավար Դևանանդ Ռամայան, Մարշալի ժառանգության ինստիտուտի գործադիր տնօրեն Էլիս Բեքքերը, անդամ երկրների ներկայացուցիչներ և ՄԱԿ-ում հավատարմագրված լրագրողներ:
 
Իր ելույթում Թ.Մուսաևն ընդգծել է, որ Ադրբեջանի տարածքների ավելի քան 13%-ը գտնվում է ականների և չպայթած զինամթերքի սպառնալիքի տակ։ 2020 թվականի նոյեմբերից երկրում ականի 388 պայթյուն է տեղի ունեցել, ինչի հետևանքով զոհվել է 70 մարդ, իսկ 318-ը՝ ծանր վիրավորվածություն է ստացել։ Դիվանագետը հիշեցրել է, որ Ադրբեջանը ազգային մակարդակով հումանիտար ականազերծումը հռչակել է որպես Կայուն զարգացման 18-րդ նպատակ (ԿԶՆ) և նշել, որ ՄԱԿ-ի հետ համագործակցությամբ այս ոլորտում կազմակերպվել են երեք միջազգային համաժողովներ։