Նաբիև. Ադրբեջանը կընդլայնի էներգիայի այլընտրանքային աղբյուրների օգտագործումը

Ադրբեջանը  հավատարիմ է՝ մինչև 2030 թվականը ջերմոցային գազերի արտանետումները 35%-ով նվազեցնելու և շրջակա միջավայրի կայունությունը ապահովելու նպատակին։
 
Ըստ Report-ի, COP29-ի շրջանակներում՝ «Կայուն, թվային միջին միջանցք և դրանից դուրս» թեմայով նախարարական կլոր սեղանի ժամանակ այս մասին ասել է՝ թվային զարգացման և տրանսպորտի նախարար Ռաշադ Նաբիևը։
 
«Մենք մեծ ուշադրություն ենք դարձնում կայունությանը՝ Միջին միջանցքի ընդլայնման վերաբերյալ մեր ծրագրերի առաջ շարժելու ժամանակ: Մեր երկաթուղային համակարգը առաջնահերթություն է տալիս ժամանակակից էլեկտրական լոկոմոտիվների օգտագործմանը և՛ մարդատար, և՛ բեռնափոխադրումների համար: Մենք նախատեսում ենք արդիականացնել գոյություն ունեցող երկաթուղային գծերն ու լոկոմոտիվները, տեղադրել արևային մարտկոցներ և մաքուր էներգիայի աղբյուրներ: Բաքվի նավահանգիստը EcoPorts վկայականը ստացել է՝ Եվրոպական ծովային նավահանգիստների կազմակերպության կողմից 2022 թվականին։ 2025 թվականից սկսած՝ մենք նախատեսում ենք էլ ավելի ընդլայնել այլընտրանքային էներգիայի աղբյուրների օգտագործումը»։