ՆԱՏՕ-ի փորձագետները գնահատել են Ադրբեջանի զինծառայողների մասնագիտական ​​գործունեությունը

Ադրբեջանի պաշտպանության նախարարության և ՆԱՏՕ-ի միջև 2025 թվականի անհատական ​​գործընկերության ծրագրի շրջանակներում Բաքվում տեղի է ունեցել՝ «Գործընկեր երկրների  կարողությունների հարմարեցման նախաձեռնություն» երկրորդ համակարգող հանդիպումը։
 
Ինչպես Caliber.Az-ին հայտնել են  պաշտպանական  գերատեսչությունում,  հանդիպմանը մասնակցել են՝ ՆԱՏՕ-ի միացյալ ուժերի հրամանատարության փորձագետներ և նախարարության մասնագետներ։
 
Գեներալ-մայոր Վուգար Ալիվերդիևը նշել է, որ Ադրբեջանը և ՆԱՏՕ-ն պարբերաբար կազմակերպում են վարժանքներ և դասընթացներ, որոնք ուղղված են՝ Ադրբեջանի զինծառայողներին ՆԱՏՕ-ի չափանիշներին, օպերատիվ պլանավորմանը և հրամանատարության ու կառավարման ընթացակարգերին ծանոթացնելուն։
 
Վստահություն  է հայտնվել, որ ՆԱՏՕ-ի վարժանքները կնպաստեն՝ Ադրբեջանի հետ համագործակցության հետագա խորացմանը, ադրբեջանական բանակի օպերատիվ պատրաստվածության մակարդակի բարձրացմանը՝ դաշինքի չափանիշներին համապատասխան, կոլեկտիվ անվտանգության ամրապնդմանը, ինչպես նաև կարևոր ներդրում կունենա տարածաշրջանում խաղաղության և կայունության հաստատման գործում
 
ՆԱՏՕ-ի փորձագետները բարձր են գնահատել Ադրբեջանի զինծառայողների մասնագիտական ​​գործունեությունը խաղաղապահ առաքելություններում։ Հանդիպմանը նաև լայնորեն քննարկվել են մի շարք այլ հետաքրքրություն ներկայացնող հարցեր, և ստորագրվել է վարժանքների անցկացման վերաբերյալ փոխըմբռնման արձանագրություն։