Փոլադ Բյուլբյուլօղլուն արժանացել է Էրմիտաժի մրցանակի

Ռուսաստանում Ադրբեջանի դեսպան Փոլադ Բյուլբյուլօղլուն դարձել է Էրմիտաժի մրցանակի դափնեկիր։

ՏԱՍՍ-ի փոխանցմամբ՝ մրցանակաբաշխությունը տեղի է ունեցել շաբաթ օրը՝ Սանկտ Պետերբուրգի Միացյալ մշակույթների միջազգային ֆորումի շրջանակներում։

Բյուլբյուլօղլուի մրցանակը հանձնել է ՌԴ փոխվարչապետ Տատյանա Գոլիկովան։

Բացի այդ, այս մրցանակին արժանացել է նաև Ռուսաստանի ժողովրդական արտիստ, պարուսույց Բորիս Էյֆմանը։

Նշենք, որ Էրմիտաժի մրցանակը սահմանվել է ֆորումի կազմկոմիտեի և Պետական Էրմիտաժի կողմից 2023-ին:

Նախատեսվում է, որ այն ամեն տարի կշնորհվի երկու առաջատար, խորհրդանշական մշակութային գործիչների՝ Ռուսաստանից և արտերկրից, մշակույթի և արվեստի բնագավառում ձեռքբերումների, մշակութային ժառանգության պահպանման և միջազգային մշակութային երկխոսության ամրապնդման համար: