Ռուբիոն՝ Ադրբեջանի և Հայաստանի միջև արագ հաշտության հասնելու հույս ունի

ԱՄՆ պետքարտուղար Մարկո Ռուբիոն հույս է հայտնել, որ մոտ ապագայում Ադրբեջանի և Հայաստանի միջև խաղաղության համաձայնագիր կկնքվի, հաղորդում է Trend-ը։
 
Կառավարության նիստում ելույթ ունենալով՝ Ռուբիոն պատմել է մի քանի կարևոր համաշխարհային իրադարձությունների մասին, որոնք տեղի են ունեցել Դոնալդ Թրամփի պաշտոնը ստանձնելուց ի վեր։

«Հուսով եմ, որ շատ շուտով Ադրբեջանի և Հայաստանի միջև խաղաղության համաձայնագիրը վերջապես կստորագրվի … Արդեն անցել է ընդամենը վեց ամիս։ Սա մեծ վկայություն է ձեր առաջնորդության մասին», - հայտարարել է նա։