Շարիֆով. Ադրբեջանում հարյուրավոր զինծառայողներ ամբողջությամբ վերանորոգված բնակարաններ կստանան

Ադրբեջանում 512 զինծառայողների ամբողջությամբ վերանորոգված բնակարաններ կտրամադրվեն՝ Բաքու և Սումգայիթ քաղաքներում։
 
Ինչպես Report-ին հայտնել են ֆինանսների նախարարությունից, այս մասին ասվել է՝ Ադրբեջանի նախագահի 2011 թվականի դեկտեմբերի 28-ի թիվ 569 հրամանագրով ստեղծված հանձնաժողովի նիստում՝ նվիրված Ադրբեջանի Հանրապետության Զինված ուժերի զինծառայողների սոցիալական պաշտպանության ուժեղացման միջոցառումներին։
 
Հանձնաժողովի նախագահ, ֆինանսների նախարար Սամիր Շարիֆովն ընդգծել է, որ Ադրբեջանի նախագահ, Գերագույն գլխավոր հրամանատար Իլհամ Ալիևի հրամանագրից բխող խնդիրների կատարման շրջանակներում՝ հազարավոր զինծառայողներ ապահովվել են բնակարաններով։
 
Նախարարը զեկուցել է, որ 20 և ավելի տարի ժամկետով ծառայած 4027 զինծառայողի բնակարան է հատկացվել պետական ​​միջոցներով։ 2024 թվականին այդ նպատակների համար հատկացվել է 35 մլն մանաթ, ինչի շնորհիվ զինծառայողներին կտրամադրվի ևս 512  ամբողջությամբ վերանորոգված բնակարան։