Տուժած Ջամալ Մամեդով. Ռուս զինվորները հայտնել են, որ իմ հորը սպանել է Կամո անունով մի հայ

Բաքվի ռազմական դատարանում այսօրվա դատավարության ժամանակ ցուցադրվել են տեսանյութեր, որոնք կապված են՝ Հայաստանի զինված ուժերի կողմից Լաչինի շրջանի օկուպացիայի հետ։
 
Ինչպես հաղորդում է AZERTAC-ը, 1992 թվականի մայիսի 18-ին հայերի կողմից նկարահանված տեսանյութում երևում են Լաչինի շրջանում այրվող տներ և հայ զինվորներ։ Տեսանյութում հայ զինվորներից մեկը մյուսին ասում է. «Աշոտ, նայիր, ինչպես է այրվում»՝ մատնացույց անելով տներից մեկը։
 
Այնուհետև դատարանում հարցաքննվել են տուժոածները։
 
Տուժած՝ Ջամալ Մամեդովը, ասել է, որ նա Լաչինի շրջանի Ջիջիմլի գյուղի բնակիչ է, որը 1992 թվականի մայիսին օկուպացվել է Հայաստանի զինված ուժերի կողմից: Ջամալ Մամեդովը պատմել է, որ իր հայրը՝ Մեհդի Մամեդովը, սպանվել է հայ զինվորների կողմից 1989 թվականի օգոստոսի 12-ին. «Ռուս զինվորները հայտնել են, որ իմ հորը սպանել է Կամո անունով մի հայ: Ես այդ ժամանակ 18 տարեկան էի»:
 
Տուժած Աղալի Իբրահիմովը պատմել է, որ ծնվել է 1961 թվականին Լաչինի շրջանի Ջաղազուր գյուղում, իսկ 1992 թվականի մայիսի 18-ին գյուղը զավթվել է Հայաստանի զինված ուժերի կողմից։ Տուժածը նշել է, որ Հայաստանի հետ սահմանին գտնվող Ջաղազուր գյուղը օկուպացիայից առաջ պարբերաբար ենթարկվել է Գյորուսի շրջանից հրետակոծության, այդ թվում՝ այս շրջանի Դըղ գյուղից. «Մինչև 1992 թվականի մայիսի 8-ը հայերի հարձակումներում որոշակի անհամաձայնություն կար։ Սակայն մայիսի 8-ից հարձակումները սկսեցին իրականացվել մեկ հրամանատարության ներքո։ «Կիրառվել են «Գրադ» և «Ալազան» հրթիռներ, նաև հեռահար հրետանի»։