Ադրբեջանի գլխավոր դատախազությունում տեղի է ունեցել հանդիպում թուրքական երկրներից հյուրերի հետ

Ադրբեջանի գլխավոր դատախազությունում` «Պետական ​​իշխանության կազմակերպումը և թուրքական պետությունների սահմանադրական հիմքերը» միջազգային համաժողովի շրջանակներում տեղի է ունեցել` Դատական ​​և իրավական կրթության թուրքական ցանցի անդամ երկրների ներկայացուցիչների հետ ծանոթացման հանդիպում։
 
Այս մասին հաղորդում է Report-ը՝ հղում անելով Գլխավոր դատախազությանը։
 
Միջոցառմանը մասնակցել են՝ Թուրքիայի, Ղազախստանի, Ղրղզստանի և Ուզբեկստանի արդարադատության և դատախազության աշխատակիցների վերապատրաստմամբ զբաղվող հաստատությունների ներկայացուցիչներ։
 
Նշվել է, որ Դատական ​​և իրավական կրթության թուրքական ցանցի և ԹՊԿ-ի շրջանակներում զարգացող համագործակցությունը նպաստում է՝ դատախազության և արդարադատության ոլորտներում գործող կրթական և ակադեմիական հաստատությունների միջև համակարգված կապերի զարգացմանը։
 
Միջոցառման շրջանակներում տեղի է ունեցել կարծիքների փոխանակում, քննարկվել են՝ համագործակցության հեռանկարային ոլորտները, մասնակիցները ծանոթացել են Ադրբեջանի դատախազության պատմական թանգարանին։