Ադրբեջանում Պակիստանի դեսպանը՝ գործարար համագործակցությունը ամրապնդելու կոչ է արել

Ադրբեջանում Պակիստանի դեսպան Գասըմ Մոհիուդդինը կոչ է արել երկու երկրների գործարար շրջանակներին՝ ամրապնդել համագործակցությունը։
 
Այս մասին դիվանագետն հայտարարել է երկուշաբթի Բաքվում՝ ադրբեջանա-պակիստանյան գործարար համաժողովի ժամանակ։
 
«Մեր երկրները, միավորված առաջընթացի և բարգավաճման ընդհանուր տեսլականով, վայելում են երկարամյա եղբայրական հարաբերություններ՝ հիմնված բոլոր ոլորտներում փոխադարձ հարգանքի և համագործակցության վրա։ Այսօր մենք կանգնած ենք աննախադեպ հնարավորությունների շեմին։ Մեր տնտեսությունների դիվերսիֆիկացիան՝ զուգակցված մեր ռազմավարական դիրքի հետ, երկու երկրներին դարձնում են կարևոր խաղացողներ և գործընկերներ տարածաշրջանային և համաշխարհային շուկաներում»,- ասել է դեսպանը։
 
Նրա խոսքով, Ադրբեջանն ու Պակիստանը, օգտագործելով իրենց եզակի ռեսուրսներն ու հնարավորությունները, կարող են նպաստել կայուն աճին և շահերին։ «Մենք կարող ենք ընդլայնել այդ առավելությունները, այդ թվում՝ հարևան երկրների և տարածաշրջանների վրա»,- ընդգծել է նա։
 
Դեսպանը նշել է, որ երկու երկրների գործարարները պետք է կենտրոնանան առևտրային հարաբերությունների ամրապնդման և ներդրումների ավելացման վրա՝ հաշվի առնելով Պակիստանի և Ադրբեջանի ղեկավարության տեսլականը։