Ադրբեջանը դեմ է հանդես եկել ԵԱՀԿ Մինսկի խմբի ֆինանսավորմանը

2024 թվականի ԵԱՀԿ-ի միասնական բյուջեի քննարկման ժամանակ Ադրբեջանը դեմ է արտահայտվել՝ Մինսկի գործընթացի հետ կապված ԵԱՀԿ կառույցների գործունեությունը ֆինանսավորելու համար միջոցներ հատկացնելուն։
 
Ինչպես հայտնում է Report-ը, այս մասին տեղեկատվությունը ներառված է՝ Նախարարների կաբինետի՝ 2024 թվականի գործունեության վերաբերյալ զեկույցում։
 
Զեկույցում նշվում է, որ Ադրբեջանի այս դիրքորոշումը պայմանավորված է՝ Մինսկի գործընթացին առնչվող ԵԱՀԿ կառույցների ծրագրային գործունեության վերաբերյալ (Մինսկի խումբ, գործող նախագահի անձնական ներկայացուցիչ Ա. Կասպրչիկ, Բարձր մակարդակի պլանավորման խումբ) կոնսենսուսի բացակայության պատճառով։
 
2024 թվականի ընթացքում ԵԱՀԿ կառույցներում վերահսկվել են քննարկումները և ձեռնարկվել համապատասխան միջոցներ՝ չեզոքացնելու կազմակերպության գործադիր կառույցների՝ մեր երկրի համար առանցքային նշանակություն ունեցող հարցերի վերաբերյալ գործունեությունը, այդ թվում՝ հետհակամարտային շրջանում, որոնք չեն համապատասխանում Ադրբեջանի շահերին։