Ադրբեջանը տասնյակ պաշտպանական արտադրանք է ներկայացրել Կահիրեում ցուցահանդեսում

Դեկտեմբերի 1-ին Կահիրեում բացվել է EDEX 2025 միջազգային պաշտպանական ցուցահանդեսը: Բացման արարողությանը մասնակցել է նաև՝ պաշտպանական արդյունաբերության նախարար Վուգար Մուստաֆաևի գլխավորած Ադրբեջանի պատվիրակությունը։

Ինչպես Caliber.Az-ին հայտնել են նախարարությունում, EDEX 2025-ում ներկայացված են՝ Azərsilah Holding-ի կողմից արտադրված 104 անուն արտադրանք, ինչպես նաև՝ ադրբեջանական Synapline, Q-STP, USH Group, 6LSystems և RD Smart ընկերությունների 24 անուն արտադրանք:
 
Ցուցահանդեսին, որտեղ ցուցադրում են՝ ցամաքային զորքերի, ռազմածովային և ռազմաօդային ուժերի համար նախատեսված նորագույն ռազմական տեխնոլոգիաներ, սարքավորումներ և համակարգեր, մասնակցում են ավելի քան 450 առաջատար համաշխարհային ընկերություններ, ավելի քան 100 պաշտոնական պատվիրակություններ և ներկայացված են 25 երկրների ազգային տաղավարներ։
 
Ցուցահանդեսը կավարտվի դեկտեմբերի 4-ին։