Ադրբեջանը Թուրքիա գազի արտահանման առաջատարն է

Ադրբեջանը 2024 թվականի հունվար-հունիսին Թուրքիա է արտահանել 5 մլրդ 680,7 մլն խմ գազ։
 
Caliber.Az-ի փոխանցմամբ, այս մասին ասվում է՝ Թուրքիայի էներգետիկ շուկայի վերահսկողության և կարգավորման  վարչության (EPDC) ամենամսյա զեկույցում։
 
Տեղեկատվության համաձայն՝ դա 6,3%-ով ցածր է 2023 թվականի առաջին վեց ամիսների ցուցանիշից։
 
2024 թվականի հունիսին Ադրբեջանը Թուրքիա է արտահանել 996,95 մլն խմ բնական գազ։ Դա 34,06%-ով ավելի է նախորդ տարվա հունիսի համեմատ։
 
Այսպիսով, հունիսին Ադրբեջանը պահպանել է իր առաջատարությունը Թուրքիա բնական գազ արտահանող երկրների շարքում։ Ադրբեջանին բաժին է ընկել Թուրքիայի կողմից հունիսին ներկրված ողջ բնական գազի 43,07%-ը։