ԱՀ ԱԳՆ. Էրիթրեայում կալանված ադրբեջանական նավերի շուրջ բանակցությունները շարունակվում են

Էրիթրեայում կալանված ադրբեջանական նավերի շուրջ բանակցությունները շարունակվում են:
 
Այս մասին հայտարարել հն Ադրբեջանի արտաքին գործերի նախարարությունում՝ ի պատասխան Report-ի հարցման։
 
Հիշեցնենք, որ դեպքը տեղի է ունեցել անցյալ տարվա նոյեմբերի 7-ին։ Ադրբեջանի դրոշի ներքո գտնվող և  Ադրբեջանում Caspian Marine Services B.V. մասնաճյուղի կողմից շահագործվող «CMS Pəhləvan», «CMS İgid» և «CMS-3» նավերը՝ Սուեզի ջրանցքից Աբու Դաբի տանող ճանապարհին, եղանակային վատթարացման պատճառով ստիպված են եղել մտնել Էրիթրեայի տարածքային ջրեր։
 
Ադրբեջանական նավերը նախօրոք փորձել են կապ հաստատել Էրիթրեայի նավահանգստի ղեկավարության հետ, սակայն դա չի հաջողվել: Նավերը մտել են Էրիթրեայի տարածքային ջրեր, և երկրի լիազոր գերատեսչությունները մուտքը համարել են ոչ վավերացված՝ ինչի հիման վրա կալանել են նավերը։
 
Ձերբակալված նավերի անձնակազմի թվում են Ադրբեջանի 18 քաղաքացիներ։