ԱՀ ԱԳՆ մեկնաբանել է՝ Թեհրանում Ադրբեջանի դեսպանատան վրա հարձակվողի մահապատժի մասին

2023 թվականի հունվարի 27-ին Իրանում Ադրբեջանի դեսպանատանը ահաբեկչական հարձակում գործած՝ Յասին Հուսեյնզադեի նկատմամբ մահապատժի դատավճիռն ի կատար է ածվել այսօր՝ առավոտյան ժամը 5-ին։
 
Ինչպես հաղորդում է Caliber.Az-ը, այս մասին ասվում է՝ Ադրբեջանի արտաքին գործերի նախարարության մամուլի քարտուղար Այխան Հաջիզադեի մեկնաբանության մեջ։
 
«Մահապատժի գործընթացին հետևել են մեր դեսպանատան երկու աշխատակիցներ, ինչպես նաև Ադրբեջանի կողմից նշանակված փաստաբանը, որը մասնակցել է դատավարությանը։ «Ահաբեկչական հարձակման հեղինակի համար ամենախիստ պատիժը Ադրբեջանի հիմնական ակնկալիքներից մեկն էր Իրանից», - նշել է Ա. Հաջիզադեն։
 
Նա ընդգծել է, որ դիվանագիտական ​​առաքելությունների անվտանգության ապահովումը այն պետության կողմից, որտեղ դրանք գտնվում են, համաձայն Դիվանագիտական ​​հարաբերությունների մասին Վիեննայի կոնվենցիայի, միշտ մեծ նշանակություն ունի. «Մենք անհրաժեշտ ենք համարում շարունակել համատեղ ջանքերը՝ փոխադարձ հարգանքի և բարիդրացիության վրա հիմնված ադրբեջանա-իրանական հարաբերությունները զարգացնելու համար»։