Ալի Ալիզադեն հայտարարել է Բաքու-Թեհրան-Բաքու չվերթի վերսկսման մասին

«Ադրբեջանական ավիաուղիներ» (AZAL) ՓԲԸ-ն սեպտեմբերի 6-ից կսկսի ուղիղ չվերթներ իրականացնել Բաքու-Թեհրան-Բաքու երթուղով։
 
Ինչպես հաղորդում է Caliber.Az-ը, այս մասին X սոցիալական ցանցում գրել է Իրանում Ադրբեջանի դեսպան Ալի Ալիզադեն։
 
Դիվանագետը հիշեցրել է, որ մի քանի տարի տևած ընդմիջումից հետո, Ադրբեջանի նախագահի հանձնարարականի համաձայն, սեպտեմբերի 4-ի երեկոյան իրականացվել է AZAL-ի առաջին ուղիղ չվերթը Բաքու-Թավրիզ-Բաքու երթուղով։
 
«Այս չվերթը սկզբում կիրականացվի շաբաթական երկու անգամ, իսկ շաբաթ օրվանից կվերսկսվի նաև AZAL-ի Բաքու-Թեհրան-Բաքու չվերթը», - նշել է Ա. Ալիզադեն։