Ամերիկացի փորձագետ. Բաքուն յուրահատուկ դեր է խաղում

Սպիտակ տանը կայացած հանդիպումը ցույց տվեց ոչ միայն երկար ժամանակ հակամարտություններից տուժող  տարածաշրջանում երկարատև խաղաղության հասնելու հնարավորությունը, այլև նոր հնարավորությունների ի հայտ գալը Միացյալ Նահանգների համար։

AZERTAC-ի փոխանցմամբ, այս մասին հայտարարել է Հադսոնի ինստիտուտի Մերձավոր Արևելքում խաղաղության և անվտանգության կենտրոնի տնօրեն Մայք Դորանը՝ ելույթ ունենալով Վաշինգտոնում՝ «Միացյալ Նահանգները Հարավային Կովկասում. նոր ռազմավարական հնարավորությունների բացահայտում» խորագրով համաժողովում։
 
Նրա խոսքով՝ սա հեռանկարներ է ստեղծում Եվրոպայի, Մերձավոր Արևելքի և Կենտրոնական Ասիայի միջև հարաբերությունները վերաձևավորելու համար։
 
«Թրամփի վարչակազմը հասկանում է, որ Հարավային Կովկասը այլևս երկրորդական չէ ԱՄՆ շահերի տեսանկյունից։ Այս տարածաշրջանը դառնում է համաշխարհային աշխարհաքաղաքականության  կարևոր կետ։ Այն բոլոր համաշխարհային տերությունների շահերի հատման կետ է՝ երբեմն՝ մերձեցման, երբեմն՝ բախման։ Մասնավորապես, Ադրբեջանը առանձնանում է որպես Միացյալ Նահանգների կարևոր գործընկեր։ Արևմուտքի համար այն դարպաս է դեպի տարածաշրջանի հսկայական ռեսուրսներ և ռազմավարական երթուղիներ։ «Բաքուն յուրահատուկ դեր է խաղում որպես էներգետիկ հանգույց, տարանցիկ միջանցք և անվտանգության դաշնակից՝ գտնվելով Ռուսաստանի, Թուրքիայի և Կասպից ծովի ավազանի միջև», - հավելել է նա։