Անկարան երախտապարտ է Բաքվին՝ Թել Ավիվի հետ երկխոսության համար

Թուրքիայի արտաքին գործերի նախարար Հաքան Ֆիդանը շնորհակալություն է հայտնել Ադրբեջանին՝ իր երկրի և Իսրայելի միջև բանակցություններում միջնորդելու համար։
 
Ինչպես հաղորդում է Report-ը, այս մասին արտաքին գործերի նախարարության ղեկավարը հայտարարել է՝ Անթալիայում IV Դիվանագիտական ​​ֆորումի փակման արարողության ժամանակ Բաքվի հեռուստատեսության հարցին պատասխանելիս։
 
«Ադրբեջանը եղբայրական երկիր է։ Շնորհակալություն  ենք հայտնում՝ Թուրքիայի և Իսրայելի միջև հանդիպում անցկացնելու համար: Այս հանդիպումը հիմնականում նպատակ ուներ՝ պարզաբանել տեխնիկական հարցերը։ Անհրաժեշտության դեպքում նմանատիպ հանդիպում կրկին կկազմակերպվի»,-հայտարարել է թուրք նախարարը։