Առաջին անգամ հյուպատոսական խորհրդակցություններ են անցկացվել Ադրբեջանի և Մեծ Բրիտանիայի ԱԳՆ-ների միջև

Լոնդոնում առաջին անգամ հյուպատոսական խորհրդակցություններ են անցկացվել՝ Ադրբեջանի և Մեծ Բրիտանիայի արտաքին գործերի նախարարությունների միջև։
 
Այս մասին հաղորդում է Report-ը՝ հղում անելով Ադրբեջանի արտաքին գործերի նախարարության մամուլի ծառայությանը։
 
Խորդրդակցություններում Ադրբեջանի պատվիրակությունը գլխավորել է՝ ԱԳՆ հյուպատոսական վարչության պետ Էմիլ Սաֆարովը, հակառակ կողմի պատվիրակությունը գլխավորել են՝ Արտաքին գործերի նախարարության հյուպատոսական և ճգնաժամային հարցերի վարչության տնօրեն Սառա Թեյլորը և Կենտրոնական Ասիայի և Արևելյան հարևանության վարչության պետի տեղակալ Մարկ Քլեյթոնը։
 
Խորհրդակցություններին մասնակցել են՝ Մեծ Բրիտանիայում Ադրբեջանի դեսպան Էլին Սուլեյմանովը, երկու երկրների արտաքին գործերի նախարարությունների, Ադրբեջանի գլխավոր դատախազության, արդարադատության և գիտության ու կրթության նախարարությունների պաշտոնատար անձինք, ինչպես նաև Մեծ Բրիտանիայի ներքին գործերի նախարարության միգրացիայի, վիզաների  իրավական օգնության հանձնակատարների աշխատակիցներ։
 
Խորհրդակցությունների ընթացքում քննարկվել են՝ երկու երկրների միջև հյուպատոսական ոլորտում հարաբերությունների ներկա վիճակը և հեռանկարները, այդ թվում՝ համապատասխան երկկողմ փաստաթղթերի ստորագրման և համապատասխան ծառայությունների թվայնացման հնարավորությունը։