ՆԱՏՕ-ի նիստում քննարկվել է Ադրբեջանի ականների խնդիրը

Ադրբեջանում ականների խնդրի լուծման գործում ՆԱՏՕ-ի ֆինանսական և տեխնիկական աջակցությունը դարձել է Դաշինքի Եվրատլանտյան գործընկերության խորհրդի նիստի քննարկման թեման։

Ինչպես հաղորդում է Сaliber.Az-ը՝ վկայակոչելով Ադրբեջանի ականազերծման գործակալությանը (ANAMA), ANAMA-ի խորհրդի նախագահի տեղակալ Սամիր Փոլադովի գլխավորած պատվիրակությունը մասնակցել է ՆԱՏՕ-ի Գործընկերության և կոոպերատիվ անվտանգության գծով կոմիտեի թեթև և հրաձգային զենքի և հակաականային գործունեության հարցերով հատուկ աշխատանքային խմբի նիստին:

ՆԱՏՕ-ի անդամ և գործընկերների երկրների, ինչպես նաև Դաշինքի մասնագիտացված կառույցների ներկայացուցիչների մասնակցությամբ հանդիպմանը քննարկվել են Ադրբեջանի առջև ծառացած ականների խնդիրը, դրա լուծման ուղիները, այդ ոլորտում տարբեր երկրների և միջազգային կազմակերպությունների աջակցությունը, ինչպես նաև փորձի փոխանակման կարևորությանը և ապագա համագործակցության հեռանկարները: Հատուկ նշվել է «Գարվանդի վստահության հիմնադրամի» շուտափույթ ստեղծման անհրաժեշտությունը, ինչը թույլ կտա ականներից մաքրել Աղդամի շրջանի Գարվանդ գյուղի 400 հա տարածքից։