Բաքվի դատարանում ընթերցվել են՝ Մալըբեյլի և Գուշչուլար գյուղերի վրա հայկական հարձակումների գործով փաստաթղթերը

Հայաստանի  Հանրապետության մեղադրվող քաղաքացիների քրեական գործով  դատավարությունը շարունակվել է սեպտեմբերի 22-ին՝ Բաքվի ռազմական դատարանում փաստաթղթերի ընթերցմամբ։
 
AZERTAC-ի  փոխանցմամբ՝ ընթերցված փաստաթղթերից մեկը վերաբերում է՝ 1992 թվականի փետրվարին Շուշայի շրջանի Մալըբեյլի և Գուշչուլար գյուղերի խոշոր և փոքր տրամաչափի զենքերով ինտենսիվ հրետակոծությանը, ինչպես նաև երկու գյուղերի վրա ծանր տեխնիկայի կիրառմամբ հարձակմանը։ Այս իրադարձությունների արդյունքում Մալըբեյլի գյուղում զոհվել է 12 մարդ, ևս երեքը անհետ կորել են, իսկ Գուշչուլար գյուղում զոհվել է չորս մարդ, ինը պատանդ է վերցվել։
 
Խոջավենդի շրջանում LAZ ավտոբուսի հրետակոծությանը վերաբերող փաստաթղթի ուսումնասիրության ժամանակ նշվել է, որ միջադեպը տեղի է ունեցել 1991 թվականի սեպտեմբերի 8-ին՝ Քիշ գյուղի ֆերմայի մոտ։ Հայերի կողմից ավտոբուսի վրա ինքնձիգնրից կրակոցների հետևանքով տեղում զոհվել է յոթ մարդ, ևս 27-ը՝ վիրավորվել։
Նշենք, որ շարունակվում է Հայաստանի ռազմական ագրեսիայի  արդյունքում՝ խաղաղության և մարդկության դեմ հանցագործություններ կատարելու, պատերազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ինչպես նաև ահաբեկչության, ահաբեկչության ֆինանսավորման, իշխանության բռնի զավթման, նրա բռնի պահպանման և բազմաթիվ այլ հանցագործությունների մեջ մեղադրվող ՀՀ քաղաքացիների դատավարությունը։