Բաքվից Բելեմ ճանապարհը դարձավ համաշխարհային համերաշխության և վստահության վերականգնման խորհրդանիշ Մուխտար Բաբաև

Կլիմայի փոփոխության հարցերով Ադրբեջանի նախագահի հատուկ ներկայացուցիչ և COP29-ի նախագահ Մուխտար Բաբաևը՝ COP30-ի բացման արարողությանը իր ելույթում պատմել է՝ COP29-ի արդյունքների, «Բաքվից Բելեմ» ճանապարհային քարտեզի և նոր ֆինանսական նպատակների նշանակության մասին։
 
AZERTAC-ի փոխանցմամբ՝ իր ելույթի սկզբում Մ. Բաբաևը խորը երախտագիտություն  է հայտնել COP29-ի հաջողությանը նպաստած բոլոր կողմերին. «Անկեղծ երախտագիտություն եմ հայտնում բոլոր նրանց, ովքեր հնարավոր դարձրին այս ճանապարհորդությունը Բաքվից Բելեմ: Առաջին հերթին շնորհակալություն եմ հայտնում Ադրբեջանի նախագահ Իլհամ Ալիևին: Նրա  հեռատես առաջնորդությունը և COP-ի Կովկասում անցկացմանն ու  տարածաշրջանային համագործակցության ամրապնդմանն ուղղված նախաձեռնությունները՝ մեզ  կանաչ էներգիա նվիրեցին  և խաղաղության կանաչ սերմեր», - ընդգծել է Մուխտար Բաբաևը։
 
Մ. Բաբաևը շնորհակալություն  է հայտնել՝ COP29 թիմին, բանակցություններին մասնակցած պատվիրակներին, երիտասարդական և բարձր մակարդակի կլիմայի չեմպիոններին, քարտուղարությանը, Արաբական Միացյալ Էմիրությունների և Բրազիլիայի պատվիրակություններին, ինչպես նաև COP30-ի նոր նախագահ, դեսպան Անդրե Կոռեա դու Լագոյին։
 
Նա նշել է, որ COP29-ի ընթացքում տարածաշրջանի բնապահպանական մարտահրավերները՝ Կասպից ծովի ծանծաղանալը, սառցադաշտերի հալվելը և անապատացման գործընթացների ուժեղացումը,  ակնհայտ  ցույց տվեցին համատեղ գործողությունների անհրաժեշտությունը. «Մենք պետք է միավորվեինք այս մարտահրավերների առջև։ Ադրբեջանի նպատակն էր՝ բազմակողմ դիվանագիտությունը վերածել արդյունավետ մեխանիզմի և հասնել առավելագույն արդյունքների՝ հանդես գալով որպես արդար միջնորդ։ Մենք մեր բարոյական պարտականությունն էինք համարում աջակցել պայքարի առաջնագծում գտնվող երկրներին և համայնքներին»։