Բաքվում D-8 երիտասարդական ֆորում կանցկացվի

2025 թվականի հուլիսին Բաքվում D-8 երիտասարդական ֆորում կանցկացվի:
 
Ինչպես հաղորդում է Caliber.Az-ը, այս մասին հայտարարել է՝ D-8 տնտեսական համագործակցության կազմակերպության գլխավոր քարտուղար Իսիակա Աբդուլգադիր Իմամը։
 
«Ադրբեջանը մեր կազմակերպության իններորդ անդամը դարձավ 2024 թվականի դեկտեմբերին՝ Կահիրեում կայացած Կազմակերպության XI գագաթնաժողովի ժամանակ։ Այդ ժամանակվանից ի վեր երկիրը ակտիվ հետաքրքրություն է ցուցաբերել և զգալի ներդրում է ունեցել D-8-ի գործունեության մեջ։ Մասնավորապես, երկիրը պատրաստակամություն է հայտնել 2025 թվականի հուլիսին Բաքվում հյուրընկալել D-8 երիտասարդական ֆորումը», - ասել է գլխավոր քարտուղարը՝ Աղդամում անցկացվող Տնտեսական համագործակցության կազմակերպության (ՏՀԿ) երիտասարդական ֆորումի ժամանակ իր տեսաուղերձում։
 
Նրա խոսքով՝ D-8-ը կշարունակի հույսը դնել Ադրբեջանի և մյուս մասնակից երկրների աջակցության, ինչպես նաև գործընկերների և միջազգային կազմակերպությունների, այդ թվում՝ Տնտեսական համագործակցության կազմակերպության (ՏՀԿ) հետ փոխգործակցության վրա՝ երիտասարդ սերնդի ներուժի բացահայտմանը նպաստող ծրագրերի իրականացման գործում։