Ադրբեջանի ՈԿԿ-ները կոչ են արել կառավարությանը վերանայել Ռուսաստանի հետ համագործակցությունը

Ադրբեջանի Ոչ կառավարական կազմակերպությունների ազգային ֆորումը հայտարարություն է տարածել Ռուսաստանում էթնիկ հողի վրա ադրբեջանցիների նկատմամբ կատարված սպանությունների և բռնության համակարգված դեպքերի կապակցությամբ։

Ինչպես հաղորդում է AZERTAC-ը, հայտարարության մեջ ասվում է. «Որպես ադրբեջանական քաղաքացիական հասարակության խոսնակ՝ մենք նշում ենք, որ վերջերս Ռուսաստանում էթնիկ հողի վրա ադրբեջանցիների նկատմամբ սպանությունների և բռնության դեպքերը համակարգային բնույթ են ստացել, և մենք մեր վրդովմունքն ենք հայտնում դրա կապակցությամբ»:

2025 թվականի հունիսի 27-ին Եկատերինբուրգ քաղաքում առանց դատավարության ադրբեջանցիների նկատմամբ կատարված սպանություններն ու բռնությունները էթնիկ և կրոնական անհանդուրժողականության, ռասայական խտրականության և ֆաշիզմի կոպիտ դրսևորում են։

Փաստերը, օբյեկտիվ վերլուծությունը և բազմաթիվ ապացույցները ցույց են տալիս, որ ադրբեջանցիների դեմ նման հանցագործությունները հաճախ թույլատրվում են առնվազն Մոսկվայի լուռ համաձայնությամբ։

Կոչ ենք անում ադրբեջանական պետությանը վերանայել Ռուսաստանի Դաշնության հետ համագործակցությունն ու հարաբերությունները բոլոր ոլորտներում՝ ադրբեջանցիների նկատմամբ շարունակվող սպառնալիքների, վախեցման և շանտաժի քաղաքականության համատեքստում։ Այս առումով մեր աջակցությունն ենք հայտնում Ադրբեջանի Հանրապետության մշակույթի նախարարության որոշմանը՝ չեղարկել Ռուսաստանի պետական և մասնավոր հաստատությունների կողմից մեր երկրում անցկացվելիք մշակութային միջոցառումները, այդ թվում՝ համերգները, փառատոնները, ներկայացումները և ցուցահանդեսները»: