Բաքվում կքննարկեն Հայաստանից վտարված ադրբեջանցիների վերադարձի իրավունքը

Դեկտեմբերի 5-ին և 6-ին Բաքվում տեղի կունենա՝ Արևմտյան Ադրբեջանի համայնքի (ԱԱՀ) 2-րդ միջազգային համաժողովը՝ «Վերադարձի իրավունքը. արդարության խթանում՝  Հայաստանից բռնի տեղահանված ադրբեջանցիների համար» թեմայով։
 
Ինչպես հայտնում է Caliber.Az-ը, համաժողովին ակնկալվում է՝ ավելի քան 100 օտարերկրյա մասնակիցների մասնակցություն 51 երկրներից։
 
Միջոցառումը կանդրադառնա՝ Հայաստանից արևմտյան ադրբեջանցիների բռնի արտաքսման պատմությանը, կքննարկվի նրանց վերադարձի իրավունքի իրավական հիմքերը, մշակութային ժառանգության վերականգնման հարցերը և այդ ոլորտում դիվանագիտական ​​ջանքերը։
 
Միջոցառման մշակութային ծրագիրը տեղի կունենա դեկտեմբերի 6-ին։