Բայրամովը՝ Ադրբեջանի, Թուրքիայի և Ուզբեկստանի միջև եռակողմ համագործակցության բազմակողմանիության մասին

Ադրբեջանի արտաքին գործերի նախարար Ջեյհուն Բայրամովը ելույթ է ունեցել՝ Անկարայում Ադրբեջանի, Թուրքիայի և Ուզբեկստանի արտաքին գործերի, տնտեսության/առևտրի և տրանսպորտի նախարարների 2-րդ եռակողմ հանդիպմանը։
 
Ինչպես հաղորդում է Caliber.Az-ը, այս մասին ասվում է՝ Ադրբեջանի ԱԳՆ-ի սոցցանցում հրապարակման մեջ: Ջեյհուն Բայրամովն ընդգծել է՝ Ադրբեջանի, Թուրքիայի և Ուզբեկստանի միջև եռակողմ համագործակցության բազմակողմանիությունը։ Նա նշել է, որ կապերը զարգացնելու ոլորտների լայն շրջանակ կա, այդ թվում՝ անվտանգության, տնտեսության, առևտրի, ներդրումների, տրանսպորտի և  հաղորդակցությունների ոլորտները։
 
Իր ելույթի ընթացքում Ջեյհուն Բայրամովը պատմել է՝ Ասիան Եվրոպայի հետ կապող կարևոր առևտրատրանսպորտային ուղու՝ Միջին միջանցքի զարգացման միջոցով համագործակցության ընդլայնման լրացուցիչ հնարավորությունների մասին։ Արտգործնախարարն ընդգծել է առկա ներուժն օգտագործելու անհրաժեշտությունը՝ խթանելու խաղաղությունը, անվտանգությունը և զարգացումը ավելի լայն տարածաշրջանում, այդ թվում՝ Մերձավոր Արևելքում և Աֆղանստանում։