Դաղստանի ղեկավարը նամակ է հղել Ադրբեջանի նախագահին

Ռուսաստանի Դաշնության Դաղստանի Հանրապետության ղեկավար Սերգեյ Մելիքովը նամակ է հղել Ադրբեջանի նախագահ Իլհամ Ալիևին։

Ինչպես հաղորդում է Caliber.Az-ը, այս մասին տեղեկությունը զետեղված է Ադրբեջանի Հանրապետության ղեկավարի պաշտոնական կայքում։

Սերգեյ Մելիքովը նամակում ցավակցություն է հայտնել «Ադրբեջանական ավիաուղիներ»-ի ինքնաթիռի կործանման կապակցությամբ։

«Դաղստանի ողջ ժողովրդի և անձամբ իմ անունից խորին ցավակցություն եմ հայտնում Բաքվից Գրոզնի թռչող AZAL ավիաընկերության մարդատար ինքնաթիռի վթարի հետևանքով զոհվածների ընտանիքներին և մերձավորներին։ Մենք անկեղծորեն կիսում ենք ձեր ցավը և սգում ձեզ հետ: Շուտափույթ ապաքինում ենք մաղթում տուժածներին»,- ասված է նամակում։