Դուրս են գրվել AZAL-ի ինքնաթիռի ավիավթարից զոհվածների վարկային պարտքերը

Բաքու-Գրոզնի չվերթն իրականացնող՝ «Ադրբեջանական ավիաուղիներ»-ի ինքնաթիռի վթարի հետևանքով զոհված Ադրբեջանի քաղաքացիների վարկային պարտքերը դուրս են գրվել։ 

Ըստ Report-ի՝ Կենտրոնական բանկի առաջարկությամբ և Բանկերի ասոցիացիայի ու միկրոֆինանսական ասոցիացիայի նախաձեռնությամբ՝ բանկերում և ոչ բանկային վարկային կազմակերպություններում՝ ավիավթարի հետևանքով զոհված Ադրբեջանի քաղաքացիների վարկային պարտավորություններն ամբողջությամբ դուրս են գրվել՝ համապատասխան կազմակերպությունների սեփական միջոցների հաշվին: